کراچی میں باپردہ خاتون کے ساتھ موٹرسائیکل سوار کی نازیبا حرکت

شہر قائد کے علاقے نارتھ کراچی مسلم ٹاؤن میں درندہ صفت شخص کی جانب سے دن دہاڑے باپردہ خاتون کو ہراساں کیا گیا ہے۔

تفصیلات کے مطابق کراچی میں راہ چلتی خاتون کو ہراساں کرنے کا ایک اور واقعہ نارتھ کراچی مسلم ٹاؤن میں پیش آیا، جہاں موٹرسائیکل پر چھوٹے بچے کے ساتھ گھومنے والے درندہ صفت شخص باپردہ خاتون کے ساتھ رہ چلتے نازیبا حرکت کی اور فرور ہوگیا۔


موٹرسائیکل سوارملزم کی خاتون کو ہراساں کرنے کی فوٹیج منظرعام پرآگئی جس میں موٹرسائیکل سوار کے ساتھ ٹنکی پر بچے کو بھی بیٹھا دیکھا جاسکتا ہے۔

ذرائع کے مطابق مذکورہ واقعہ بارہ اگست کی صبح پیش آیا مگر پولیس ملزم کو پکڑنے میں تاحال ناکام ہے۔