90 کی دہائی کی نایاب لیگو شارک ماہی گیری کے دوران برآمد
مجھے اس شارک کو دیکھے 25 سال ہوگئے ہیں، رچرڈ ویسٹ
ایک برطانوی ماہی گیر نے لیگو پزل کی انتہائی نایاب شارک کو ماہی گیری کے دوران برآمد کیا ہے۔
چھوٹی سی لیگو شارک کا تعلق 1990 کی دہائی کے لیگو سیٹ سے ہے جس کی قیمت ری سیل مارکیٹ میں مبینہ طور پر سینکڑوں ڈالرز ہے۔
35 سالہ رچرڈ ویسٹ کارن وال کے ساحل سے 20 میل دور سمندر میں شکار کررہے تھے جب ان کے جال میں لیگو شارک آگئی جسے انہوں نے فوراً پہچان لیا۔
رچرڈ نے بتایا کہ میں شارک دیکھ کر فوراً بتا سکتا تھا کہ یہ کیا ہے کیونکہ جب میں چھوٹا تھا تو میرے پاس لیگو کے جہاز کے سیٹ میں یہ لیگو شارک بھی شامل تھی۔ مجھے یہ بہت پسند تھی۔
انہوں نے مزید کہا کہ مجھے اس شارک کو دیکھے 25 سال ہوگئے ہیں۔
تفصیلات کے مطابق لیگو شارک 1997 میں ایک بدقسمت ٹوکیو ایکسپریس کارگو جہاز سے، ایک شدید آندھی کے دوران 62 دیگر شپنگ کنٹینرز کے ساتھ غائب ہو گیا تھا۔