کیشو مہاراج نے 64 سالہ ریکارڈ توڑدیا کامیاب ترین پروٹیز اسپنر

ان سے قبل 1960 میں ریٹائر ہونے والے ہگ ٹیفیلڈ نے 37 ٹیسٹ میں 170 وکٹیں اپنے نام کررکھی تھیں

Sports Desk August 19, 2024

(فوٹو: ویب ڈیسک ایکسپریس)

کیشو مہاراج نے 64 سالہ ریکارڈ توڑکر جنوبی افریقا کے کامیاب ترین ٹیسٹ اسپنر کا اعزاز حاصل کرلیا۔

نومبر2016 میں ٹیسٹ ڈیبیو کرنے والے مہاراج اب تک 52 میچز میں 171 وکٹیں نام کرچکے ہیں، انھوں نے گذشتہ دن ویسٹ انڈیز سے سیریز کے پہلے ٹیسٹ میں 8 وکٹیں حاصل کرکے میچ کے بہترین پلیئر کا ایوارڈ بھی قبضے میں کیا۔

34 سالہ اسپنر نے دوسرے ٹیسٹ کی پہلی اننگز میں 45 رنز دیکر 5 وکٹیں اڑائیں، پروٹیز نے دوسرا میچ 40 رنز سے جیت کر سیریز 0-1 سے نام کرلی ہے۔

مزید پڑھیں: افغانستان بمقابلہ جنوبی افریقہ؛ پہلی دو طرفہ سیریز کیلئے شیڈول جاری

وہ 171 وکٹیں لیکر کامیاب ترین جنوبی افریقی ٹیسٹ اسپنر بن گئے، ان سے قبل 1960 میں ریٹائر ہونے والے ہگ ٹیفیلڈ نے 37 ٹیسٹ میں 170 وکٹیں اپنے نام کررکھی تھیں۔

مزید پڑھیں: بابراعظم بنگلادیش کیخلاف ٹیسٹ سیریز میں کون سا ریکارڈ بناسکتے ہیں؟

ڈیل اسٹین 93 ٹیسٹ میں 439 وکٹوں کے ساتھ کامیاب ترین فاسٹ بولر بنے ہوئے ہیں، شان پولاک (421)، مکھایا این تینی (390)، ایلن ڈونلڈ (330)، مورن مورکل(309)، کیگاسو ربادا(299)، جیک کیلس(291) اور ورنون فیلینڈر (224) بھی فہرست میں شامل ہیں۔