سیاسی و سیکورٹی صورتحال 10 سال میں تیل اورگیس کی پیدوار میں اضافہ نہ ہوسکا

مالی سال 2024 میں گیس کی پیداوار میں بھی کمی ریکارڈ کی گئی:فوٹو:فائل

---

پاکستان میں 10 سال کے دوران تیل اور گیس کی طلب کے مقابلے میں پیداوار میں اضافہ نہ ہوسکا۔

پاکستان پیٹرولیم انفارمیشن سروس( پی پی آئی ایس) کے مطابق 2015 میں پاکستان میں خام تیل کی یومیہ پیداورا 94500 بیرل تھی جو 2024 میں کم ہو کر 70500 بیرل پر آ گئی۔ گیس کی پیداوار 10 سالوں میں 900 ایم ایم ایس سی ایف ڈی کم ہوگئی۔

پی پی آئی ایس کے مطابق 2015 میں گیس کی یومیہ پیداوار 4016 ایم ایم سی ایف ڈی تھی جو2024 میں کم ہوکر 3116 ایم ایم سی ایف ڈی پر آ گئی جبکہ 2024 میں گیس کی پیداوار 4.4 فیصد سالانہ کمی سے 3116 ملین مکعب فٹ رہی۔ مالی سال 2024 میں تیل کی پیداوار سالانہ 1.5 فیصد معمولی اضافے سے 70536 بیرل یومیہ ہوگئی۔