لاہور غیرت کے نام پر اپنی کزن کو قتل کرنے والے ملزمان گرفتار

فوٹو : لاہور پولیس

---

ٹھوکر کے علاقے سے غیرت کے نام پر اپنی کزن کو قتل کرنے والے ملزمان کو گرفتار کر لیا گیا۔

ایس ایس پی انویسٹی گیشن لاہور ڈاکٹر انوش مسعود کے نوٹس پر انچارج انویسٹی گیشن ہنجروال نے اپنی ٹیم کے ہمراہ روپوش اشتہاری ملزمان کو ٹھوکر سے گرفتار کیا۔ ملزم کو ہیومن انٹیلی جنس سمیت روایتی اور جدید ٹیکنالوجی کی مدد سے گرفتار کیا گیا۔

ایس ایس پی ڈاکٹر انوش مسعود کے مطابق گرفتار ملزمان عاشق اور شہباز نے 32سالہ فوزیہ کو فائرنگ کر کے قتل کر دیا تھا جبکہ قتل کے بعد لاش کھیتوں میں پھینک دی تھی، ملزمان کو اپنی چچا زاد کزن فوزیہ کے امجد نامی شخص سے ناجائز تعلقات کا شبہ تھا۔

ڈاکٹر انوش مسعود نے بتایا کہ ملزمان کی نشاندہی پر آلہ قتل 12بور رائفل برآمد کر لی گئی، ملزم کو مضبوط چالان مرتب کر کے منتقی انجام تک پہنچایا جائے گا۔ انہوں نے کہا کہ شہریوں کے جان و مال کے تحفظ کے لیے شب و روز کوشاں ہیں۔

ایس ایس پی انویسٹی گیشن ڈاکٹر انوش مسعود چوہدری نے پولیس ٹیم میں تعریفی اسناد بھی تقسیم کیں۔