باحجاب خاتون کی ہراسانی کا واقعہ سجل علی کا ملک سے اعتماد ختم ہونے لگا
مردوں کے لیے خواتین اور بچوں کو ہراساں کرنا کتنا عام ہو گیا ہے، سجل علی
شہر قائد کے علاقے نارتھ کراچی میں خاتون کو ہراساں کرنے کے واقعے پر پاکستانی اداکارہ سجل علی نے تشویش کا اظہار کیا ہے۔
سجل علی نے سماجی رابطے کی سائٹ پر خاتون کو ہراساں کرنے کے واقعے کی فوٹیج کی تصویر شیئر کرتے ہوئے لکھا کہ 'میرا اس ملک پر اسے اعتماد ختم ہورہا ہے اور یہ دیکھ کر خوف آرہا ہے کہ مردوں کے لیے خواتین اور بچوں کو ہراساں کرنا کتنا عام ہو گیا ہے،''۔
انہوں نے لکھا کہ "میں مدد نہیں کر سکتی اور سخت ناامید ہوں کہ ہم کس طرف جارہے ہیں۔
واضح رہے کہ دو روز قبل انٹرنیٹ پر ایک ویڈیو وائرل ہوئی جس میں موٹرسائیکل پر بچے کو لے کر گھومنے والے شخص نے گلی میں چلتی ہوئی باحجاب خاتون کو دن دہاڑے ہراساں کیا اور پھر فرار ہوگیا تھا۔
مزید پڑھیں: کراچی میں باپردہ خاتون کے ساتھ موٹرسائیکل سوار کی نازیبا حرکت
مذکورہ واقعہ بارہ اگست کو پیش آیا تھا اور آخری اطلاعات تک پولیس ملزم کو گرفتار کرنے میں ناکام رہی تھی۔