’’بوبی جاسوس‘‘ کی تشہیری مہم ودیا بالن لوگوں میں گھل مل گئیں

بالی ووڈ اداکارہ ودیا بالن جو ان دنو اپنی نئی فلم ''بوبی جاسوس '' کی تشہیری مہم میں مصروف ہیں۔


انھوں نے گزشتہ روز گھاٹ کوپر میں ایک شاپنگ مال کا دورہ کیا اور اپنے مداحوں میں گھل مل گئیں، اس دوران جو خاص بات دیکھنے کو ملی وہ ودیا بالن کا لباس تھا' ودیا بالن نے وہی سرخ رنگ کی شلوار قمیض پہن رکھی تو جو وہ فلم میں پہنے ہوئے نظر آتی ہیں۔ اپنے دورے کے دوران وہ مال میں دکانداروں سے ملیں، وہاں موجود لوگوں اور خاص طور پر بچوں میں ہنستی کھیلتی رہیں' اس دوران وہ مائیک پر وہی ڈائیلاگ بھی بولتی رہیں جو انھوں نے فلم میں جاسوسی کے دوران بولے تھے اور مال میں موجود لوگوں کو محظوظ کرتی رہیں۔

قبل ازیں بالی ووڈ کی فلم برادری نے ودیا بالن کی فلم بوبی جاسوس کی خصوصی اسکریننگ میں شرکت کی۔ اس موقع پر شاہ رخ خان نے کہا کہ جس طرح ودیا بالن ، دیا مرزا اور ساحل نے کام کیا ہے، یہ ایک دلچسپ فلم ہے لیکن بدقسمتی سے میری آنکھوں میں مسئلہ ہونے کی وجہ سے میں یہ فلم نہیں دیکھ سکا تاہم آئندہ 5 روز تک میں اسے دیکھوں گا۔