جوکووچ نے مقابلہ 7-6، 4-6، 6-7، 7-5 اور 4-6 سے اجیت کر ٹائٹل اپنے نام کیا۔ فوٹو: اے ایف پی
ومبلڈن ٹینس کے مینز سنگل ایونٹ کے فائنل میں سنسنی خیز مقابلے کے بعد نوواک جوکووچ نے راجر فیڈرر کو شکست دے کر ٹائٹل جیت لیا۔
لندن میں جاری ایونٹ کے مینز ایونٹ کے فائنل میں سربیا کے نوواک جوکووچ اور سوئٹزرلینڈ کے راجر فیڈرر جیسے دو ٹاپ سیڈ کھلاڑی آمنے سامنے تھے، میچ کا پہلا سیٹ راجر فیڈرر نے 6-7 سے اپنے نام کیا لیکن دوسرا سیٹ جوکوچ نے 4-6 سے اپنے نام کرکے مقابلہ ایک، ایک سیٹ سے برابر کردیا، تیسرے سیٹ میں بھی جوکووچ نے 6-7 سے فتح حاصل کی لیکن راجر فیڈرر نے چوتھا سیٹ 5-7 سے جیت کر مقابلہ ایک بار پھر برابر کردیا۔
دونوں کھلاڑیوں کے درمیان آخری اور فیصلہ کن سیٹ میں بھی انتہائی سخت مقابلہ ہوا اور دونوں نے یہ سیٹ جیت کر ٹائٹل اپنے نام کرنے کے لئے پورا زور لگایا لیکن قسمت نوواک جوکووچ پر مہربان نکلی اور انہوں نے فتح سیٹ 4-6 سے جیت کر ٹائٹل اپنے نام کرلیا۔