ٹی20 ورلڈکپ کوالیفائر ساموآ کے بیٹر نے ایک اوور میں 39 رنز بناڈالے

ایسٹ ایشیا پیسیفک کوالیفائر اے میچ میں تاریخ رقم ہوگئی (فوٹو: ایکسپریس ویب)

---

آئی لینڈ پر مشتمل ملک ساموآ کے بلےباز نے آئی سی سی مینز ٹی20 ورلڈکپ کے ایسٹ ایشیا پیسیفک کوالیفائر اے میچ میں تاریخ رقم کردی۔

ساموآ کرکٹ ٹیم کے بیٹر ڈیریوس ویسر منگل کے روز آئی سی سی مینز ٹی20 ورلڈکپ کے ایسٹ ایشیا پیسیفک کوالیفائر میچ کے دوران ایک اوور میں سب سے زیادہ 39 رنز بناکر نیا ریکارڈ بناڈالا۔

ساموا میں گارڈن اوول میں کھیلے گئے میچ میں ڈیریوس ویسر نے وانواتو کے نالن نپیکو کی گیند پر 6 چھکے لگائے جبکہ اس اوور میں 3 نو بال بھی شامل تھیں، جس کے باعث ایک اوور میں 39 رنز بنے۔

مزید پڑھیں: 'بھارت سمیت اہم میچز والد کو دیکھنے نہیں دیتا'

اس سے قبل مینز ٹی20 ورلڈکپ کے افتتاحی ایڈیشن میں یورواج سنگھ نے انگلش بالر اسٹیورٹ براڈ کو 6 گیندوں پر 6 چھکے لگاکر 36 رنز کا ریکارڈ بنایا تھا۔

مزید پڑھیں: بابراعظم بنگلادیش کیخلاف ٹیسٹ سیریز میں کون سا ریکارڈ بناسکتے ہیں؟

ساموآ کے بیٹر نے مینز ٹی20 ورلڈکپ مقابلوں میں نہ صرف نیا ریکارڈ قائم کیا بلکہ پہلی انٹرنیشنل سینچری بھی اسکور کی، انہوں نے 62 گیندوں پر 132 رنز کی جارحانہ اننگز کھیلی اور ٹیم کو دوسری فتح سے ہمکنار کروایا۔

ڈیریوس ویسر کی نے ساموآ کی جت کے بعد 2026 میں اگلے ورلڈکپ کیلئے کوالیفائی کرنے کی امیوں کو بھی زندہ رکھا ہوا ہے۔