چکوال بارش کے باعث بوسیدہ مکان کی چھت گرنے سے ماں بیٹا جاں بحق
بیٹی شدید زخمی، گاؤں والوں نے اپنی مدد آپ کے تحت امدادی کارروائی کرتے ہوئے ملبے تلے دبی لاشیں نکالیں
بارش کے باعث بوسیدہ مکان کی چھت گرنے سے ماں بیٹا جاں بحق اور بیٹی شدید زخمی ہوگئی۔
ذرائع کے مطابق چکوال کے موضع بادشاہ پورمیں بارش کی وجہ سے بوسیدہ مکان کی چھت گر گئی، جس کے نیچے دب کر ماں بیٹا جاں بحق جبکہ بیٹی شدید زخمی ہوگئی۔
چھت گرنے کے بعد گاؤں والوں نے اپنی مدد آپ کے تحت امدادی کارروائی کرتے ہوئے ملبے تلے دبی لاشیں نکالیں جبکہ بچی کو شدید زخمی حالت میں ڈی ایچ کیو اسپتال منتقل کردیا گیا۔