شہر قائد میں آئندہ تین روز کے دوران مطلع جزوی ابر آلود رہنے کے ساتھ ہلکی بارش اور پھوار کا امکان ہے۔

محکمہ موسمیات کے مطابق شہر میں سمندری ہوائیں بحال ہیں اور 18 کلو میٹر فی گھںٹہ کی رفتار سے ہوائیں چل رہی ہیں جبکہ ہوا میں نمی کا تناسب 55 فیصد ہے۔

آئندہ تین روز کے دوران زیادہ سے زیادہ درجہ حرارت 32 سے 34 ڈگری سینٹی گریڈ کے درمیان رہ سکتا ہے۔

بدھ سے جعمرات سندھ کے بیشتر اضلاع میں موسم گرم اور مرطوب رہے گا تاہم شام یا رات میں جیکب آباد، دادو، جامشورو اور کراچی کے مضافات میں تیز ہواؤں اور گرج چمک کے ساتھ بارش ہو سکتی ہے۔