لاہور میں کھدائی کے دوران گیس پائپ لائن پھٹنے سے 2 بھائی جاں بحق

گزشتہ روز والٹن روڈ پر بھی رکشہ الٹنے کے باعث ایل پی جی سلنڈر کے دھماکے سے ماں بیٹی جاں بحق جب کہ ایک لڑکا زخمی ہو گیا تھا۔ فوٹو؛ فائل

---

باغبان پورہ میں کھدائی کے دوران گیس پائپ لائن پھٹنے سے 2 بھائی جاں بحق ہو گئے۔

ایکسپریس نیوز کے مطابق لاہور میں باغبان پورہ کے علاقے احمد ٹاؤن میں 2 مزدور بھائی کاشف اور شہزاد گیس پائپ لائن بچھانے کے لئے کھدائی کر رہے تھے کہ لیکیج کی وجہ سے دھماکا ہو گیا اور دونوں بھائی موقع پر ہی جاں بحق ہو گئے۔ دونوں بھائی مقامی علاقے کے ہی رہائشی تھے، ان کی لاشوں کو ورثا کے حوالے کر دیا گیا ہے۔

واضح رہے کہ گزشتہ روز بھی لاہور کے علاقے والٹن روڈ پر رکشہ الٹنے کے باعث ایل پی جی سلنڈر کے دھماکے سے ماں بیٹی جاں بحق جب کہ ایک لڑکا زخمی ہو گیا تھا۔