بلوچستان میں گرم موسم کی شدت برقرار ہے جب کہ درجہ حرارت زیادہ سے زیادہ 41 ڈگری سینٹی گریڈ تک ریکارڈ کیا گیا۔
محکمہ موسمیات کے مطابق بلوچستان کے بیشتر اضلاع میں موسم گرم اور مرطوب رہے گا۔ علاوہ ازیں صوبے میں ریکارڈ کیے گئے درجہ حرارت کے مطابق کوئٹہ میں 34، قلات میں 29، سبی میں 41، نوکنڈی میں 40 ڈگری سینٹی گریڈ ریکارڈ کیا گیا۔
اسی طرح تربت میں زیادہ سے زیادہ درجہ حرارت 39 ، ساحلی علاقوں جیوانی میں 36اور گوادر میں 34ڈگری سینٹی گریڈ ریکارڈ کیا گیا۔
موسمیات کے ماہرین نے پیش گوئی کی ہے کہ رات اور شام کے اوقات میں ژوب، بارکھان،موسیٰ خیل، شیرانی، لورالائی، سبی، زیارت، لسبیلہ ،قلات خضدار اور نصیر آباد میں تیز ہواوٴں کے ساتھ جھکڑ چلنے اور گرج چمک کے ساتھ بارش کا امکان ہے۔