کراچی میں پولیس مقابلوں میں 2 دہشتگردوں سمیت 3 ملزمان ہلاک ٹارگٹ کلر گرفتار

گرفتار ملزمان کو نامعلوم مقام پر منتقل کردیا گیا ہے فوٹو: فائل

---

شہر قائد میں قانون کے رکھوالوں نے مختلف علاقوں میں کارروائی کرکے 2 دہشتگردوں سمیت 3 افراد کو ہلاک جبکہ 2 بھتہ خور گرفتار کرلئے۔

ایکسپریس نیوز کے مطابق بلدیہ کے علاقے اتحاد ٹاوٴن میں پولیس مقابلے کے دوران 2 دہشتگرد ہلاک ہوگئے، ہلاک دہشت گردوں کا تعلق کالعدم تحریک طالبان سوات سے تھا، ملزمان پولیس اہل کاروں کے قتل اور بھتہ خوری میں بھی ملوث تھے، پولیس نے ہلاک ملزمان کے قبضے سے اسلحہ بھی برآمد کرنے کا دعویٰ کیا ہے۔ کھارادر میں مبینہ پولیس مقابلے میں ایک ملزم ہلاک جبکہ دو فرار ہوگئے، ملزم کی لاش سول اسپتال منتقل کردی گئی لیکن اب تک مقتول کی شناخت نہیں ہوسکی۔

دوسری جانب سے سچل گوٹھ میں کارروائی کرتے ہوئے مبینہ ٹارگٹ کلر بکر چانڈیو کو دو ساتھیوں سمیت گرفتار کرلیا ہے، پولیس کا کہنا ہے کہ ملزم کم از کم 7 افراد کے قتل میں ملوث ہے۔