امریکا ڈیموکریٹک نیشنل کنونشن کے آخری روز کملا ہیرس کا خطاب
ٹرمپ کے دوبارہ وائٹ ہاؤس میں آنے کے نتائج سنگین ہوں گے
ڈیموکریٹک پارٹی کے چار روزہ نیشنل کنونشن کے آخری روز صدارتی امیدوار کملا ہیرس نے خطاب کیا۔
کملا ہیرس نے کنونشن میں صدارتی الیکشن کیلئے ڈیموکریٹک نامزدگی قبول کرلی۔
ڈیموکریٹک پارٹی کے کارکنوں اور ورکروں سے اپنے خطاب میں کملا ہیرس نے کہا کہ امریکہ اورعوام سےمحبت میری پرورش میں شامل تھی، امریکہ اورعوام میرے لیے سب سے بڑھ کر ہے، اگرمیں صد ربن گئی تو ہم مزید مظبوط ہوں گے۔
انہوں نے کہا کہ امریکی آزادی کیلئے ہمیشہ جدوجہد کروں گی، ڈونلڈ ٹرمپ بہت سے معاملات میں غیر سنجیدہ انسان ہیں، ٹرمپ کے دوبارہ وائٹ ہاؤس میں آنے کے نتائج سنگین ہوں گے۔
کملا ہیرس کا کہنا تھا کہ ٹرمپ کے دوبارہ وائٹ ہاؤس میں آنے کے نتائج سنگین ہونگے، وائٹ ہاؤس میں ٹرمپ کا دور افراتفری سے بھرپور تھا، ٹرمپ نے گزشتہ الیکشن کے بعد جو کچھ کیا اس سے بھی بدتر ہو سکتا ہے، ٹرمپ نے مسلح ہجوم کو کیپیٹل ہل بھیجا تھا۔
ڈیموکریٹک پارٹی کی صدارتی امیدوار کملا ہیرس نے اپنے خطاب میں مزید کہا کہ بطور صدر تمام امریکیوں کو ہماری اعلیٰ ترین امنگوں کے گرد متحد کروں گی۔