لاہور سے کراچی جانے والی عوامی ایکسپریس ٹرین کو لاہور اسٹیشن پر حادثہ پیش آیا اور بوگی نمبر 5 پلیٹ فارم پر ڈی ریل ہوگئے تاہم کوئی جانی نقصان نہیں ہوا۔

لاہور میں عوامی ایکسپریس کی اے سی بزنس کلاس بوگی نمبر 5 پلیٹ فارم پر ڈی ریل ہو گئی اور اس کے نتیجے میں لاہور ریلوے اسٹیشن کا پلیٹ فارم ٹوٹ گیا تاہم حادثے میں کوئی جانی نقصان نہیں ہوا لیکن ٹرین 3 گھنٹےسے زائد تاخیر کا شکار ہوئی۔

ریلوے انتظامیہ کے مطابق بوگی کو ٹریک پرلانے کی کوششں کی جاری ہے اور اضافی بوگی نہ ہونے کی وجہ سے ٹرین بزنس کلاس بوگی کے بغیر ہی کراچی روانہ ہوگی۔

دوسری جانب عوامی ایکسپریس کے مسافروں کی جانب سے احتجاج کیا گیا۔