آئی ایم ایف کی شرائط پوری کرنے کیلئے متبادل ذرائع کی تلاش شروع

وزیرخزانہ محمد اورنگزیب نے دبئی اسلامک بینک کے سی ای او سے آن لائن ملاقات کی ہے، ذرائع وزارت خزانہ

Irshad Ansari August 23, 2024

آئی ایم ایف سے 7 ارب ڈالر قرض پروگرام کے لیے وفاقی حکومت کو شرائط پوری کرنی ہیں—فوٹو: فائل

وفاقی حکومت نے عالمی مالیاتی ادارہ (آئی ایم ا یف) سے 7 ارب ڈالر کے نئے قرض پروگرام کی شرائط پورے کرنے کے حوالے سے ایکسٹرنل فنانسنگ کی ضروریات پوری کرنے کے لیے متبادل ذرائع تلاش کرنا شروع کردیے ہیں۔

وزارت خزانہ ذرائع کے مطابق وفاقی وزیر خزانہ محمد اورنگزیب نےایکسٹرنل فنانسنگ ضروریات کے حوالے سے دبئی اسلامک بینک کے چیف ایگزیکٹیو افسر (سی ای او) سے آن لائن ملاقات کی۔

ذرائع نے بتایا کہ پاکستان خلیجی ملکوں کے بینکوں سے چار ارب ڈالرزکے کمرشل قرضے حاصل کرنا چاہتا ہے، اس سلسلے میں محمد اورنگزیب کی دبئی اسلامک بینک سمیت مشرق وسطی کے بینکوں سے پاکستان میں 4ارب ڈالرز کی سرمایہ کاری پر بات چیت جاری ہے۔

انہوں نے بتایا کہ پاکستان کو رواں مالی سال 26.4 ارب ڈالرزواپس کرنے ہیں۔