موٹروے پولیس نے 3 اغوا کاروں کو گرفتار کر لیا

موٹروے پولیس کے ترجمان کا کہنا ہے کہ موٹروےپولیس نے بروقت کارروائی کرتے ہوئے اغوا میں ملوث 3 ملزمان کو ایم 2 سیال موڑ سروس ایریا سے گرفتار کر لیا ہے۔

ترجمان کے مطابق ملزمان نے محمد بلال نامی شخص کو اغوا کیا تھا اور موٹروے پولیس کو ملزمان کے بارے تھانہ جلالپور پیر والا نے اطلاع دی تھی، ملزمان تھانہ جلالپور ایف آئی آر نمبر 1108/24 میں مطلوب تھے۔


ترجمان نے مزید بتایا کہ سیکٹر کمانڈر غلام قادر سندھو کی ہدایات پر ملزمان کو مزید قانونی کارروائی کے لیے پولیس کےحوالے کردیا گیا ہے۔

موٹروے پولیس کا کہنا ہے کہ اس موقع پر زونل کمانڈر ڈی آئی جی مسرور عالم کولاچی نے پٹرولنگ افسران کی بہترین کارکردگی کو سراہا۔