راولپنڈی ٹیسٹ کے چوتھے دن کا کھیل ختم پاکستان کے 23 رنز پر ایک آؤٹ

عبداللہ شفیق 12رنز جبکہ کپتان شان مسعود 09رنز کیساتھ کریز پر موجود ہیں

ویب ڈیسک August 24, 2024

فوٹو ای ایس پی این کرک انفو

پاکستان اور بنگلا دیش کی ٹیموں کے درمیان پہلے ٹیسٹ کے چوتھے روزپاکستان نے کھیل کے اختتام پر اپنی دوسری اننگ میں ایک وکٹ کے نقصان پر23 رنز بنا لیے۔

راولپنڈی میں کھیلے جارہے ہیں ٹیسٹ میچ کے چوتھے روز کا کھیل ختم ہونے تک پاکستان کو بنگلادیش کی پہلی اننگ کا سکور برابر کرنے کیلیئے مزید 94رنز درکار ہیں۔ جبکہ عبداللہ شفیق 12رنز جبکہ کپتان شان مسعود 09رنز کیساتھ کریز پر موجود ہیں۔

دوسری اننگز کے آغاز پر اوپنر صائم ایوپ صرف ایک رنز بنا کر اوٹ ہو گئے، واحد وکٹ بنگلا دیشی باولر شرف السلام نے حاصل کی۔

اس سے پہلے چائے کے وقفے کے بعد بنگلا دیش کی ٹیم اپنی پہلی اننگ میں 565 رنز بنا کر آؤٹ ہو گئی۔ مہمان ٹٰم نے پہلی اننگ میں پاکستان پر 117 رنز کی برتری حاصل کر لی۔

مزید پڑھیں: بنگلہ دیشی کھلاڑی آؤٹ؛ شاہین نے وکٹ نومولود بیٹے کے نام کردی

اس سے پہلے بنگلا دیش کا پاکستان کے خلاف سب سے زیادہ سکور555 رنز تھا، مشفیق الرحیم نے 191 رنز کی شاندار اننگز کھیلی، اور گیارہویں ٹیسٹ سنچری بنائی۔ مشفیق الرحیم 191 رنز، شادمان اسلام 93 رنز، مہدی حسن میراز 77 رنز،لٹن داس 56 رنز،مومن الحق 50 رنز،شرف السلام 22 رنز،کپتان نجم الحسن شنتو 16 رنز ، شکیب الحسن 15 رنز، ذاکر حسن 12 رنز اور حسن محمود بغیر کوئی رنز بنأئے آؤٹ ہوئے جبکہ ناہید رانا ایک رنز بنا کر ناٹ آؤٹ رہے۔

پاکستان کی جانب سے نسیم شاہ نے تین، شاہین شاہ افریدی، خرم شہزاد اور محمد علی نے دو، دو جبکہ صائم ایوب نے ایک وکٹ حاصل کی۔

بنگلا دیش کے کھلاڑیوں نے تیسری وکٹ کی شراکت میں 94 رنز، چھٹی وکٹ کی شراکت میں 114 رنز اور ساتویں وکٹ کی شراکت میں 196 رنز بنائے۔ واضح رہے کہ بنگلہ دیش نے چوتھے روز 316 رنز 5 وکٹوں کے نقصان پر اپنی پہلی اننگ کا دوبارہ اغاز کیاتھا، اس سے قبل پاکستان نے 448 رنز 6 کھلاڑی اوٹ پر اپنی پہلی اننگ ڈیکلیئر کر دی تھی۔