راولپنڈی ٹیسٹ شاہین کی نومولود بیٹے کیلئے جشن کی ویڈیو وائرل

گزشتہ روز فاسٹ بولر نے بنگلادیشی کھلاڑی کو آؤٹ کرکے نئے انداز میں سیلیبریشن کی تھی

ویب ڈیسک August 25, 2024

گزشتہ روز فاسٹ بولر نے بنگلادیشی کھلاڑی کو آؤٹ کرکے نئے انداز میں سیلیبریشن کی تھی (فوٹو: ایکسپریس ویب)

قومی کرکٹ ٹیم کے فاسٹ بولر شاہین شاہ آفریدی نے بنگلادیش کیخلاف پہلی وکٹ حاصل کرکے اپنی خوشی کو یادگار بنالیا۔

راولپنڈی میں کھیلے جارہے ٹیسٹ میچ کے دوران فاسٹ بولر شاہین آفریدی نے بنگلادیشی کرکٹر حسن محمود کو آؤٹ کرنے کے بعد اپنے نومولود بیٹے کی آمد پر خراج تحسین پیش کرتے ہوئے جھولا جھولانے کی سیلیبریشن کی جس کی ویڈیو سوشل میڈیا پر خوب وائرل ہورہی ہے۔

سابق کپتان شاہین اور ان کی اہلیہ انشا آفریدی کے ہاں آج بیٹے کی ولادت ہوئی تھی، جس کا نام انہوں نے علی یار رکھا ہے۔

مزید پڑھیں: رضوان نے بنگلادیش کے سیلاب متاثرین کیلئے مدد کی اپیل کردی

فاسٹ بولر اس خاص لمحے میں اپنی اہلیہ کیساتھ نہیں تھے کیونکہ وہ بنگلادیش کیخلاف راولپنڈی ٹیسٹ میں قومی ٹیم کی نمائندگی کررہے ہیں تاہم انہوں نے جشن کا منفرد انداز اپنا کر مداحوں کے دل جیت لیے۔

مزید پڑھیں: بھارتی شائقین کے بعد امپائرز بھی محمد رضوان پر تنقید کرنے لگے

واضح رہے کہ پہلے ٹیسٹ کے بعد وہ اپنی فیملی کے ساتھ رہنے کیلئے کراچی واپس آجائیں گے اور توقع ہے کہ انہیں دوسرے ٹیسٹ میچ کیلئے آرام دیا جاسکتا ہے۔