کراچی میں پولیس موبائل پر حملہ کرنیوالے 3 دہشتگرد جوابی کارروائی میں ہلاک

دہشت گردوں کے قبضے سے اسلحہ اور دستی بم برآمد کر لیے گئے ہیں،پولیس،فوٹو:فائل

---

پاک کالونی کے قریب پولیس موبائل پر حملہ کرنے والے 3 دہشت گرد جوابی فائرنگ میں مارے گئے۔

ایکسپریس نیوز کے مطابق سائٹ ایریا کے علاقے پاک کالونی میں پولیس موبائل معمول کے گشت پر تھی کہ موٹرسائیکل پر سوار 3 نامعلوم دہشت گردوں نے اس پر حملہ کردیا، دہشت گردوں کی جانب سے پولیس موبائل پر دستی بم پھینکا گیا جو پھٹ نہ سکا جس کے بعد پولیس نے فوری جوابی کارروائی کرتے ہوئے دہشت گردوں پر فائرنگ کردی جس کے نتیجے میں تینوں دہشت گرد ہلاک ہوگئے۔

پولیس کے مطابق ہلاک دہشت گرد پولیس اہلکاروں کے قتل میں ملوث ہیں اور ان کا تعلق کالعدم جماعت سے ہے جب کہ دہشت گردوں کے قبضے سے اسلحہ اور دستی بم بھی برآمد کرلیے گئے ہیں، پولیس نے ضابطے کی کارروائی کیلئے لاشیں قریبی اسپتال منتقل کردی ہیں۔