دوسرا ٹی ٹوئنٹی ویسٹ انڈیز نے جنوبی افریقا کو 30 رنز سے شکست دے دی
180 رنز کے تعاقب میں جنوبی افریقا کی ٹیم 19.4 اوورز میں 149 رنز بنا کر آؤٹ ہوگئی
ویسٹ انڈیز نے جنوبی افریقا کو دوسرے ٹی ٹوئنٹی میں 30 رنز سے شکست دے کر تین میچز کی سیریز میں 0-2 کی فیصلہ کن برتری حاصل کرلی۔
برائن لارا کرکٹ اسٹیڈیم میں کھیلے گئے سیریز کے دوسرے میچ میں جنوبی افریقا کی دعوت پر پہلے بیٹنگ کرتے ہوئے ویسٹ انڈیز نے مقررہ 20 اوورز میں 6 وکٹوں کے نقصان پر 179 رنز اسکور کیے۔
ویسٹ انڈیز کی جانب سے شائی ہوپ 41 رنز بنا کر نمایاں رہے۔ کپتان روومن پاول 35، شرفین ردرفورڈ 29، ایلک ایتھاناز 28، نکلس پورَن 19 اور روسٹن چیز 7 رنز بنا کر آؤٹ ہوئے۔
روماریو شیفرڈ 9 اور عقیل حسین 3 رنز بنا کر ناٹ آؤٹ رہے۔
جنوبی افریقا کی جانب سے لِزڈ ولیم نے 3، پیٹرک کروگر نے 2 اور اوٹنیل بارٹمین نے 1 کھلاڑی کو آؤٹ کیا۔
جواب میں جنوبی افریقا کی ٹیم 19.4 اوورز میں 149 رنز بنا کر آؤٹ ہوگئی۔
پروٹیز کی جانب سے ریزا ہینڈرکس 44 رنز بنا کر نمایاں رہے۔ ٹرسٹن اسٹبز 28، رائن رِکلٹن 20، کپتان ایڈن مارکرم 19، ریسی وین ڈر ڈوسین 17، پیٹرک کروگر 6، ڈونوون فریرا 4، جورن فورٹوئن 2، اوٹنیل بارٹمین 1 اور لِزاڈ ولیم 0 رن بنا کر آؤٹ ہوئے۔
کوینا مافاکا 3 رنز بنا کر ناٹ آؤٹ پویلین لوٹے۔
ویسٹ انڈیز کی جانب سے روماریو شیفرڈ اور شیمار جوزف نے 3، 3، عقیل حسین نے 2 اور گُداکیش موتی اور میتھیو فورڈے نے 1، 1 وکٹ حاصل کی۔