سہ فریقی ٹی ٹوئنٹی ٹورنامنٹ میں امریکا نے کینیڈا کو جیتنے کے لیے 169 رنز کا ہدف دے دیا۔

دی ہیگ میں جاری ٹورنامنٹ کے پانچویں میچ میں امریکا نے ٹاس جیت کر پہلے بیٹنگ کرتے ہوئے مقررہ 20 اوورز میں 6 وکٹوں کے نقصان پر 168 رنز اسکور کیے۔

امریکا کی جانب سے سیتیجا مکاملا 52 رنز بنا کر نمایاں رہے۔ ہرمیت سنگھ 24، اینڈریس گوس 21، کپتان مونانک پٹیل 16، نیتیش کمار 14 جبکہ ایرون جونز 5 رنز بنا کر آؤٹ ہوئے۔

شیڈلے وین شالکویک 15 اور شایان جہانگیر 15 رنز بنا کر ناٹ آؤٹ پویلین لوٹے۔

کینیڈا کی جانب سے سعد بن ظفر نے 3، ڈِلن ہیلیگر نے 2 اور کلیم ثناء نے 1 وکٹ حاصل کی۔