کراچی میں کرنٹ لگنے سے نوجوان جاں بحق

جاں بحق ہونے والے شخص کی شناخت 28 سالہ زمان ولد ذولفقار کے نام سے کی گئی

---

سائٹ ایریا میں کرنٹ لگنے سے ایک شخص جاں بحق ہوگیا ۔

سائیٹ اے کے علاقے سائیٹ ایریا میٹروول آغا خان فلیٹ کے قریب کرنٹ لگنے سے ایک شخص جاں بحق ہوگیا ، جاں بحق ہونے والے شخص کی لاش عباسی شہید اسپتال منتقل کی گئی۔

پولیس کے مطابق جاں بحق ہونے والے شخص کی شناخت 28 سالہ زمان ولد ذولفقار کے نام سے کی گئی ، جاں بحق ہونے والے شخص کے ورثا نے پولیس کارروائی کرانے سے انکار کر دیا۔

پولیس نے ضابطے کی کارروائی کے بعد لاش ورثا کے حوالے کر دی ۔