معظم جاہ انصاری آئی جی بلوچستان تعینات نوٹیفکیشن جاری

پولیس سروس گریڈ22کے معظم جاہ انصاری کمانڈنٹ فرنٹیئر کانسٹیبلری تعینات تھے

ویب ڈیسک August 28, 2024

نوتعینات شدہ آئی جی بلوچستان معظم جاہ انصاری صدر مملکت آصف زرداری سے ملاقات کررہے ہیں ( فوٹو: ایکسپریس نیوز)

وفاقی حکومت نے معظم جاہ انصاری کو آئی جی بلوچستان تعینات کردیا، تعیناتی کا نوٹیفکیشن بھی جاری کردیا گیا۔

ایکسپریس نیوز کے مطابق معظم جاہ انصاری کو آئی جی بلوچستان تعینات کردیا گیا ہے جبکہ سابق آئی جی بلوچستان اور پولیس سروس گریڈ21کے عبدالخالق شیخ کواسٹیبلشمنٹ ڈویژن رپورٹ کرنے کے احکامات جاری کردیے گئے ہیں۔

خیال رہے کہ پولیس سروس گریڈ22کے معظم جاہ انصاری کمانڈنٹ فرنٹیئر کانسٹیبلری تعینات تھے۔

دریں اثنا صدر مملکت آصف علی زرداری سے بلوچستان کے نئے تعینات شدہ آئی جی معظم جاہ انصاری نے ملاقات کی، ملاقات میں صدر نے بلوچستان میں امن و امان کی صورتحال بہتر بنانے کے لیے مؤثر اقدامات لینے کی ضرورت پر زور دیا۔

صدر مملکت نے آئی جی بلوچستان کے لیے ذمہ داریوں کی خوش اسلوبی سے انجام دہی کے لیے نیک خواہشات کا اظہار بھی کیا۔