طوفانی بارش کا امکان کراچی میں اسکول بند
کمشنر کراچی نے محکمہ موسمیات اور صوبائی ڈیزاسٹر مینجمنٹ اتھارٹی کی ایڈوائزری کی روشنی میں فیصلہ کیا
شہری انتظامیہ نے جمعہ کراچی میں تمام سرکاری اور نجی اسکولوں میں چھٹی دیدی۔
کمشنر کراچی آفس کے ہینڈ آؤٹ کے مطابق کمشنر کراچی سید حسن نقوی نے محکمہ موسمیات اور صوبائی ڈیزاسٹر مینجمنٹ اتھارٹی کی ایڈوائزری کی روشنی میں جمعہ کو کراچی کے تمام اضلاع میں واقع تمام سرکاری و نجی اسکول بند رکھنے کے احکامات جاری کیے ہیں۔
واضح رہے کہ محکمہ موسمیات نے جمعہ کو کراچی سمیت سندھ کے بیشتر علاقوں میں طوفانی بارشوں کی پیش گوئی کی ہے۔