آئی جی جیل خانہ جات کی رات گئے اڈیالہ جیل آمد
بانی پی ٹی آئی کی بیرک پر مامور جیل کے اہلکاروں سے آئی جی جیل خانہ جات نے گفتگو کی
August 30, 2024
پنجاب کے آئی جی جیل خانہ جات میاں فاروق نذیر نے رات گئے اڈیالہ جیل کا دورہ کیا۔
بانی پی ٹی آئی کی بیرک پر مامور جیل کے اہلکاروں سے آئی جی جیل خانہ جات نے گفتگو کی۔
آئی جی جیل خانہ جات نے جیل میں پیغام رسانی کے آلات جن میں موبائل فون، انٹرنیٹ، وائی فائی وغیرہ شامل ہیں کی تفصیلات حاصل کیں۔
انہوں نے جیل کے حکام سے زیر سماعت مقدمات اور قیدیوں کے متعلق ریکارڈز کی تفصیلات بھی حاصل کیں۔