شہربھرمیں خوف اوروحشت کاراججلتے ہوئے ٹائرنظرآئے

منہ پرکپڑاباندھے ڈنڈابردارنوجوان دندناتے رہے،اکادکاچلنے والی گاڑیوں کے شیشے توڑدیے۔ فوٹو: فائل

---

جمعے کوکراچی کی ہرشاہراہ، چوراہے،بازاراورگلی میں خوف اوروحشت کاراج رہا۔

سڑکوں پر چندمیٹرکے فاصلے سے جگہ جگہ ٹائرجلتے ہوئے دکھائی دے رہے تھے،ڈھاٹے لگائے ہوئے ڈنڈابردار نوجوانوں کی ٹولیاں شہربھرمیں دندناتی پھررہی تھیں،سڑکوں پر دکھائی دینے والی اکادکا گاڑیوں پر پتھرائو اور ڈنڈوں کی مددسے توڑ پھوڑ کی جارہی تھی۔ جمعے کو گستاخانہ فلم کے خلاف احتجاج کے دوران شہر بھر میں ڈھاٹے باندھے ہوئے ڈنڈابردارنوجوانوں کی ٹولیاں منڈلاتی ہوئی دکھائی دے رہی تھی،ہرچند قدم کے بعد جلے ہوئے ٹائر جلائے گئے تھے جن سے دھواں اٹھ رہا تھا اور سڑکوں پر ہو کا عالم تھا۔

اکا دکا نظر آنے والی گاڑیوں پرڈنڈابردار نوجوان پتھرائوکرتے اورنرغے میں آجانے والی گاڑیوں کے شیشے ڈنڈوںکی مددسے توڑدیتے ،شہرمیں خوف و وحشت کے سائے منڈلا رہے تھے،شہری گھروں میں محصورہوکررہ گئے تھے۔ساری صورتحال میں امریکی قونصل خانے جانے والے راستوں پر پولیس کی بھاری نفری تعینات تھی تاہم شہر کے دیگر علاقوں میں شرپسند ٹولیوں کا راج تھا،بعض مقامات پرخواتین سے بدتمیزی کی اطلاعات بھی موصول ہوئی ہیں۔