ملک کے بیشتر علاقوں میں بارش کا امکان

بلوچستان کے مختلف علاقوں میں بھی بارش ہوسکتی ہے:فوٹو:فائل

---

دارالحکومت اسلام آباد سمیت ملک کے مختلف علاقوں میں مطلع ابرآلود رہنے اور بارش کا امکان ہے۔

محکمہ موسمیات کے مطابق اسلام آباد اور گر دو نواح میں موسم گرم اور خشک جبکہ مطلع جزوی ابر آلود رہنے کا امکان ہے۔ دوپہرکے اوقات میں تیز ہواؤں اورگرج چمک کے ساتھ بارش ہوسکتی ہے۔

سندھ کے بیشتر اضلاع میں مطلع جزوی ابر آلود رہنے کے علاوہ گھوٹکی، شکار پور،لاڑکانہ ،شہید بینظیر آباد،کشمور، دادو، کراچی،حیدر آباد، ٹھٹہ، بدین، تھر پارکر ،سانگھڑ اورخیر پورمیں تیز بارش متوقع ہے۔ عمر کوٹ، مٹھی، میر پور خا ص اور گردونواح میں تیز ہواؤں اورگرج چمک کے ساتھ بارش کا امکان ہے۔

محکمہ موسمیات کے مطابق مری، گلیات، راولپنڈی، جہلم، چکوال،منڈی بہاؤالدین، گجرات، گوجرانوالہ، حافظ آباد، سیالکوٹ، نارووال،لاہور، شیخوپورہ، قصور، ساہیوال، پاکپتن، ٹوبہ ٹیک سنگھ، ملتان، خانیوال اور ڈیرہ غازی خان میں بارش کا امکان ہے۔

راجن پور، بہاولپور، بہاولنگر، خانپور،کوٹ ادو اور رحیم یار خان ، ایبٹ آباد ،مانسہرہ ، ہری پور ،بٹگرام ، کوہستان،سوات اور گردونواح میں تیز ہواؤں اورگرج چمک کے ساتھ بارش کا امکان ہے۔

بلوچستان ژوب، موسیٰ خیل، بارکھان، لورالائی،کوہلو،سبی،نصیرآباد، جھل مگسی ، قلات ،لسبیلہ اور خضدار ، آواران اور کیچ میں چند مقا مات پر تیز ہواؤں اورگرج چمک کے ساتھ بارش کی توقع ہے۔ کشمیر اور گلگت بلتستان میں مطلع جزوی ابر آلود رہنے کے ساتھ چند مقامات پر گرج چمک کے ساتھ بارش کا امکان ہے۔