خیبرپختونخوا میں ایک لاکھ 39 ہزار اساتذہ کی اپ گریڈیشن  منسوخ

خیبرپختونخوا( کے پی) حکومت نے ایک لاکھ 39 ہزار اساتذہ کی اپ گریڈیشن کا فیصلہ منسوخ کردیا۔


کے پی کی حکومت نے صوبے کے تمام کیڈر کے ایک لاکھ 39 ہزار اساتزہ کو اپ گریڈ نہ کرنے کی منظوری دے دی۔ پی ٹی آئی کی سابق حکومت نے 17 جنوری کے کابینہ اجلاس میں تمام اساتزہ کو اپ گریڈ کرنے کی منظوری دی تھی۔ موجودہ حکومت نے اپنی سابق کابینہ کی منظوری کو رد کر دیا ہے۔ صوبے کے فنانس ڈیپارٹمنٹ نے اساتذہ کو اپ گریڈ کرنے کی مخالفت کی تھی۔

فنانس ڈپارٹمنٹ کے مطابق اساتذہ کو کو اپ گریڈ کرنے پر 37 ارب روپے کا بوجھ پڑے گا۔ مالی بحران کے باعث اپ گریڈیشن ممکن نہیں ہے۔ صوبائی کابینہ نے اپنے حالیہ اجلاس میں فنانس ڈیپارٹمنٹ کی رپورٹ پر اپ گریڈیشن کی منظوری نہیں دی۔