88 ممالک میں 20 ہزار پاکستانیوں کے قید ہونے کا انکشاف
سزائے موت کے 68 شہری شامل، متحدہ عرب امارات میں 5 ہزار 292، سعودی عرب میں 10 ہزار 432 پاکستانی قید ہیں
دنیا کے 88 ممالک کی جیلوں میں 20 ہزار پاکستانیوں کے قید ہونے کا انکشاف ہوا ہے۔
بیرون ملک جیلوں میں قید پاکستانیوں کی تفصیلات ایکسپریس نیوز کو موصول ہوگئیں جس میں معلوم ہوا ہے کہ 88 ممالک کی جیلوں میں بیس ہزار پاکستانی شہری قید ہیں۔ ان میں سزائے موت کے 68 پاکستانی شامل ہیں جنہیں دہشت گردی، قتل اور منشیات اسمگلنگ پر سزائے موت سنائی گئی۔
متحدہ عرب امارات میں 5 ہزار 292، سعودی عرب میں 10 ہزار 432، ملائیشیا میں 463 برطانیہ میں 321، عمان میں 578، ترکیہ میں 387، بحرین میں 371، یونان میں 598، چین میں 406، جرمنی میں 90، عراق میں 40، امریکا میں 114، سری لنکا میں 89، اسپین میں 92، افغانستان میں 85، ساؤتھ افریقا 48 اور فرانس میں 286 پاکستانی قید ہیں۔