بالی وڈ اداکار اکشے کمار کی نئی فلم 'اسکائے فورس' کی ریلیز تاریخ 24 جنوری 2025 مقرر کر دی گئی۔

بھارتی میڈیا کے مطابق فلم کو یومِ جمہوریہ کے موقع پر ریلیز کیا جائے گا کیونکہ یہ ایک حب الوطنی پر مبنی فلم ہے۔

پہلے فلم کو 2 اکتوبر 2024 کو ریلیز کیا جانا تھا، لیکن ریلیز کی تاریخ کو آگے بڑھا دیا گیا ہے۔

فلم میں اکشے کمار کے ساتھ سارہ علی خان، ویر پہاڑیا اور نمراٹ کور بھی شامل ہیں جبکہ فلم کی ہدایتکاری سندیپ کیولانی اور ابھیشیک کپور کر رہے ہیں۔

یاد رہے کہ اکشے کمار کے لیے یہ چھٹی فلم ہوگی جو یومِ جمہوریہ کے ہفتے میں ریلیز ہوگی۔