پختونخوا ربیع الاول میں رحمۃ للعالمینؐ کانفرنسز کا شیڈول جاری

خیبر پختونخوا میں ربیع الاول کے دوران رحمۃ للعالمینؐ کانفرنسز کے انعقاد کا شیڈول جاری کردیا گیا۔

ایکسپریس نیوز کے مطابق صوبائی حکومت نے ڈویژن کی سطح پر رحمۃ للعالمین کانفرنسز کا شیڈول جاری کردیا، جس کے تحت سوات ، ایبٹ آباد، کوہاٹ، بنوں، ڈی آئی خان، پشاور اور مردان میں کانفرنسز کا انعقاد کیا جائے گا۔

رحمۃ للعالمینؐ کانفرنسز کے لیے ڈویژنل سطح پر 20 لاکھ اور ڈسٹرکٹ سطح پر 10 لاکھ کے فنڈز کی منظوری دے دی گئی ہے۔

علاوہ ازیں ڈویژنل اور ڈسٹرکٹ سطح پر نعت اور قرأت میں پہلی 3 پوزیشنز لینے والوں کے لیے انعامی رقوم کا بھی اعلان کیا گیا ہے۔