2 لیڈی سمیت 6 پولیس اہلکار سوشل میڈیا پر ویڈیو اپ لوڈ کرنے پر معطل
2 لیڈی سمیت 6 پولیس اہلکاروں کو مختلف سوشل میڈیا پر ویڈیو اپ لوڈ کرنے پر معطل کرنے کا حکمنامہ جاری کر دیا گیا
کراچی پولیس چیف نے 2 لیڈی سمیت 6 پولیس اہلکاروں کو سوشل میڈیا پر ویڈیو اپ لوڈ کرنے پر معطل کرنے کا حکمنامہ جاری کر دیا۔
کراچی پولیس چیف جاوید عالم اوڈھو نے 2 لیڈی سمیت 6 پولیس اہلکاروں کو مختلف سوشل میڈیا پر ویڈیو اپ لوڈ کرنے پر معطل کرنے کا حکمنامہ جاری کر دیا۔
کراچی پولیس چیف نے درخشاں تھانے کی لیڈی کانسٹیبل منیما اور فیڈرل بی صنعتی ایریا تھانے کی لیڈی کانسٹیبل فضاء فاطمہ سمیت پریڈی تھانے کے ہیڈ کانسٹیبل محمد جاوید جمالی ، مددگار 15 کے 2 کانسٹیبلز محمد قاسم خٹک اور محمد زیشان کے علاوہ شاہ فیصل کالونی میں تعینات کانسٹیبل عابد علی کو معطل کر کے متعلقہ زونل ہیڈ کوارٹر تبادلہ کر دیا۔
جبکہ کراچی پولیس چیف نے متعلقہ ایس ایس پیز کو ہدایات جاری کی ہیں کہ وہ معطل کیے جانے والوں کے خلاف سخت محکمہ جاتی کارروائی عمل میں لائیں اور اس حوالے سے اپنائے گئے اقدامات کی رپورٹ برائے ملاحظہ ارسال کی جائے ۔