ہیرس یا ٹرمپ صدارتی الیکشن کی درست ترین پیش گوئی کرنے والے نجومی نے بتا دیا

امریکا کے نوسٹراڈیمس کہلانے والے نجومی کی صدارتی امیدوار سے متعلق 10 میں 9 پیشن گوئیاں درست ثابت ہوئی ہیں

ویب ڈیسک September 06, 2024

امریکا کا نیا صدر کون ہوگا معروف نجومی نے بتادیا

امریکا میں عالمی شہرت یافتہ اور تسلیم شدہ ماہر نجومی نوسٹراڈیمس کی حیثیت رکھنے والے ایلن لِچٹ مین نے نومبر میں ہونے والے صدارتی انتخابات سے متعلق پیش گوئی کردی۔

امریکی میڈیا کے مطابق ایلن لچٹ مین نے مستقبل کے صدر کی پیش گوئی کے لیے اپنے تاریخی انڈیکس ماڈل کو استعمال کیا ہے جسے وہ "وائٹ ہاؤس کی چابیاں" کہتے ہیں۔ جس کے ذریعے وہ پچھلے 10 میں 9 انتخابات کی درست پیش گوئیاں کرچکے ہیں۔

امریکا مستند ترین ماہر نجومی سمجھے جانے والے ایلن لچٹ مین نے 2024 کی صدارتی دوڑ میں کامایب ہونے والے امیدوار کے بارے اپنی حتمی پیش گوئی کردی۔

نیویارک ٹائمز کے مطابق 77 سالہ ایلن لچٹ مین نے کہا کہ جولائی میں جو بائیڈن کے دستبردار ہونے کے بعد ڈیموکریٹک پارٹی کے نامزد امیدوار بننے والی کملا ہیرس اپنے سخت ترین حریف ڈونلڈ ٹرمپ کو شکست دیدیں گی۔

ماہر نجومی نے بتایا کہ ان کے پیش گوئی کے تاریخی انڈیکس ماڈل "وائٹ ہاؤس کی چابیوں" کی تعداد 13 ہے جن میں سے 8 ڈیموکریٹ کی امیدوار کملا ہیرس کے حق میں ہیں جب کہ صرف 3 ڈونلڈ ٹرمپ کی جانب اشارہ کرتی ہیں۔