عدالتی چھٹیاں ختم سپریم کورٹ میں آج صبح نئے عدالتی سال کی تقریب منعقد ہوگی
سپریم کورٹ نے زیر سماعت مقدمات کے پیش نظر گرمیوں کی چھٹیاں تین ماہ کے بجائے دو ماہ کی تھیں
سپریم کورٹ میں دو ماہ کی عدالتی چھٹیوں کا اختتام ہو گیا اور آج صبح ساڑھے نو بجے نئے عدالتی سال کی تقریب منعقد ہوگی چیف جسٹس پاکستان قاضی فائز عیسیٰ نئے عدالتی سال کی تقریب کی سربراہی کریں گے۔
سپریم کورٹ کے ججز کے علاوہ اٹارنی جنرل، سپریم کورٹ بار ایسوسی ایشن اور پاکستان بار کونسل کے نمائندگان شرکت کریں گے۔
ذرائع کے مطابق جسٹس منیب اختر دستیاب نہیں ہیں جبکہ جسٹس منصور علی شاہ بیرون ملک دورے پر ہیں چیف جسٹس پاکستان قاضی فائز عیسیٰ نئے عدالتی سال کی تقریب سے خطاب کریں گے اس کے علاوہ اٹارنی جنرل اور وکلاء تنظیموں کے نمائندگان بھی خطاب کریں گےْ
سپریم کورٹ نے زیر سماعت مقدمات کے پیش نظر گرمیوں کی چھٹیاں تین ماہ کی بجائے دو ماہ کی تھیں گرمیوں کی چھٹیوں کا آغاز 15جون کی بجائے 15جولائی سے ہوا تھا۔