فلم ’’بجرنگی بھائی جان‘‘ میں سلمان اور کرینہ کی پھر جوڑی بنے گی

سلمان اس فلم میں کچھ خاص کرنیوالے ہیں، 2015 میں عید پر ریلیز ہوگ، کبیر خان فوٹو: فائل

---

بالی ووڈ کی نئی بنے والی فلم ''بجرنگی بھائی جان '' میں ادکار سلمان خان اور کرینہ کپور کی ایک مرتبہ پھر جوڑی بنے گی، دونوں اس فلم کی مرکزی کاسٹ کے لیے چن لیے گئے ہیں۔

اس سے قبل دونوں اداکار فلم ''باڈی گارڈ '' میں ایک ساتھ جلوہ گر ہو چکے ہیں اور اس جوڑی کو عوام میں خاصی پزیرائی بھی مل چکی ہے۔ سلمان خان اور کرینہ کپور اب ایک مرتبہ پھر کبیر خان کی نئی فلم '' بجرنگی بھائی جان '' میں جادو دکھانے کے لیے تیار ہیں۔

ڈائریکٹر کبیر خان نے اپنے ٹوئٹر پیغام میں لکھا ہے کہ ''سلمان خان بجرنگ بھائی جان کے کردار میں کچھ خاص کرنے والے ہیں، ہم دونوں یہ نیا سفر شروع کرنے پر بہت خوش ہیں، ہاں کرینہ بھی بجرنگ بھائی جان میں ہیں اور ہم اس فلم کو اگلے برس 2015ء میں عید کے موقع پر ریلیز کریں گے''۔