آلوؤں میں مہارت سے چھپائی گئی 5کلو ہیروئن برآمد ملزم گرفتار
مجموعی طور پر 80 تھیلوں میں سے ہر تھیلے میں 1 سے 2 ہیروئن بھرے آلو مہارت سے چھپائے گئے تھے
اے این ایف نے خفیہ اطلاع پر کراچی انٹرنیشنل کنٹینر ٹرمینل پر کارروائی کرتے ہوئے سری لنکا بھیجے جانے والے آلوؤں پر مشتمل کنٹینر سے بھاری مقدار میں ہیروئن برآمد کر لی۔
ترجمان اے این ایف کے مطابق مشکوک ریفریجریٹر کی تلاشی لینے پر 1198 تھیلوں میں سے 122 آلوؤں میں مہارت سے چھپائی گئی مجموعی طور پر تقریباً 5 کلو ہیروئن برآمد ہوئی۔
مجموعی طور پر 80 تھیلوں میں سے ہر تھیلے میں 1 سے 2 ہیروئن بھرے آلو مہارت سے چھپائے گئے تھے۔ اے این ایف ٹیم نے اعلیٰ پیشہ ورانہ صلاحیت اور انتہائی مہارت سے ان تمام ہیروئن بھرے آلوؤں کی تلاشی لی۔
ابتدائی تفتیش کے ذریعے ایک ملزم کو گرفتار کر لیا گیا ہے جبہ مزید ملزمان کی گرفتاری کے لیے چھاپہ مار کارروائیوں کا سلسلہ جاری ہے۔
مذکورہ کنٹینر ایک نجی کمپنی کی طرف سے بُک کروایا گیا تھا۔ گرفتار ملزم کو اے این ایف پولیس اسٹیشن منتقل کر کے مزید تحقیقات کا آغاز کر دیا گیا ہے۔