کمسن لڑکی کوجسم فروشی پرمجبورکرنے والی خاتون گرفتار

ملزمان کو گرفتار کرلیا گیا:فوٹو:فائل

---

کمسن لڑکی کو دھوکہ دے کر جسم فروشی پر مجبور کرنے والی عورت کو گرفتار کرلیا گیا۔

ترجمان سیف سیٹز کے مطابق ابتدائی تفتیش کے مطابق خاتون بھلا پھسلا کر لڑکی کو اپنے ساتھ لے آئی تھی اور لڑکی کو جسم فروشی پر مجبور کردیا۔ لڑکی کے شور مچانے پر اہل محلہ نے 15 پر کال کرکے ورچوئل ویمن پولیس اسٹیشن سے رابطہ کیا۔ ورچوئل ویمن پولیس اسٹیشن نے کالر کا پولیس سے رابطہ کروا دیا۔

پولیس نے فوری کارروائی عمل میں لاتے ہوئے ملزمان کو گرفتار کرلیا۔ ملزمان کے خلاف مقدمہ درج کر کے قانونی کارروائی کا آغاز کر دیا۔ خواتین کسی بھی شکایت کی صورت میں ورچوئل ویمن پولیس اسٹیشن سے رابطہ کر سکتیں ہیں۔