نوشہرہ میں ڈمپر کی رکشے کو ٹکر سے 6 افراد جاں بحق 3 زخمی

لوگوں نے اپنی مدد آپ کے تحت لاشوں اور زخمیوں کو ڈی ایچ کیو اسپتال نوشہرہ منتقل کیا۔ فوٹو: فائل

---

مردان روڈ پر ڈمپر نے رکشے کو ٹکر ماردی جس کے نتیجے میں 2 خواتین اور 2 بچوں سمیت 6 افراد جاں بحق جب کہ 3 زخمی ہوگئے۔

ایکسپریس نیوز کے مطابق حادثہ مردان روڈ پر کھنڈر کے قریب پیش آیا جہاں ڈمپر نے رکشے کو ٹکر ماردی جس کے نتیجے میں اس میں سوار 2 خواتین اور 2 بچوں سمیت 6 افراد جاں بحق اور 3 زخمی ہوگئے، لوگوں نے اپنی مدد آپ کے تحت لاشوں اور زخمیوں کو ڈی ایچ کیو اسپتال نوشہرہ منتقل کیا جہاں زخمیوں کو طبی امداد فراہم کی جارہی ہے۔

پولیس کے مطابق ابتدائی معلومات کے مطابق حادثہ ڈمپر کی تیزرفتاری کے باعث پیش آیا تاہم تحقیقات کا آغاز کردیا گیا ہے جس کے بعد ہی اصل وجوہات کا تعین کیا جاسکے گا۔