اسلام آباد 8 سال سے مطلوب انسانی اسمگلر گرفتار
ملزم یاسر شاہد ایف آئی اے لاہور زون کو انسانی اسمگلنگ اور ویزا فراڈ کے مقدمے میں مطلوب تھا
ایف آئی اے امیگریشن نے اسلام آباد ایئرپورٹ پر کارروائی کرتے ہوئے 8 سال سے مطلوب انسانی اسمگلر کو گرفتار کرلیا۔
ملزم یاسر شاہد ایف آئی اے لاہور زون کو انسانی اسمگلنگ اور ویزا فراڈ کے مقدمے میں مطلوب تھا، ملزم ویزا فراڈ کر کے بیرون ملک فرار ہو گیا تھا۔
ملزم کا تعلق گجرات سے ہے جس کے خلاف سال 2016 میں اینٹی ہیومن ٹریفکنگ سرکل لاہور نے مقدمہ درج کیا تھا۔
ملزم فلائٹ نمبر EK612 کے ذریعے دبئی سے پاکستان پہنچا تھا جس کا نام اسٹاپ لسٹ میں شامل تھا۔ بعدازاں، ملزم کو ایف آئی اے لاہور زون کے حوالے کر دیا جائے گا۔