برطانوی شہزادی کا کیمو تھراپی کے بعد پہلا بیان سامنے آگیا

جنوری میں پیٹ کی سرجری کے دوران شہزادی میں کینسر کے مرض کی تشخیص ہوئی اور 22 مارچ کو تصدیق کی گئی تھی

ویب ڈیسک September 10, 2024

جنوری میں پیٹ کی سرجری کے دوران شہزادی میں کینسر کے مرض کی تشخیص ہوئی اور 22 مارچ کو تصدیق کی گئی تھی

ولی عہد شہزادہ ولیم کی اہلیہ 42 سالہ کیٹ مڈلٹن کی 9 ماہ سے جاری کیمو تھراپی مکمل ہوگئی جس پر انھوں نے شوہر اور بچوں کے ساتھ ایک ویڈیو پیغام جاری کیا ہے.

عالمی خبر رساں ادارے کے مطابق کینسر کے مرض میں مبتلا شہزادی کیٹ مڈلٹن نے ویڈیو پیغام میں کہا کہ گزشتہ 9 ماہ میرے اور میرے خاندان کے لیے انتہائی سخت دن تھے لیکن یہ دن اب خیر سے گزر گئے۔

شہزادی نے اپنے جذباتی بیان میں مزید کہا کہ زندگی عجیب ہے اور لمحوں میں تبدیل ہوتی ہے۔ ہمیں طوفانی لہروں اور انجانی سڑکوں سے گزرنا پڑتا ہے۔

پرنسسز آف ویلز نے بتایا کہ ان کی کیموتھراپی مکمل ہوگئی اور بالآخر اطمینان کے لمحے آگئے۔

ویڈیو پیغام میں شہزادی کے ہمراہ انکے شوہر شہزادہ ولیم اور تینوں بچے بھی موجود تھے۔ ویڈیو میں انھیں گاڑی چلاتے ہوئی موسم گرما کی تعطیلات کے لیے سیاحتی مقام پر جاتے دیکھا جا سکتا ہے۔