آسٹریلیا کیلئے بک کروائے گئے کھسوں سے 37 کلوگرام آئس برآمد

ملزم کی گرفتاری کے لیے چھاپے مارے جار ہے ہیں:فوٹو:فائل

---

لاہور میں آسٹریلیا کے لیے بک کروائے گئے کھسوں سے 37 کلو گرام آئس برآمد کر لی گئی۔

اینٹی نارکوٹکس فورس(اے این ایف) کے مطابق انٹیلیجنس اطلاع پر لاہور میں واقع کوریئر آفس پر چھاپہ مارا گیا۔ چھاپے کے دوران آفس میں موجود کھسوں کے 20 ڈبے قبضے میں لئے گئے۔ جانچ پڑتال پرڈبوں میں موجود کھسوں کے 500 جوڑوں میں منشیات جذب ہونے کی تصدیق ہوئی۔

اے این ایف اے نے مزید بتایا کہ ہرکھیس سے 37 گرام آئس برآمد کی گئی۔ مجموعی طور پر 1000 کھسوں سے 37 کلوگرام آئس برآمد ہوئی۔پارسل راولپنڈی کے رہائشی کی جانب سے بک کروایا گیا تھا۔ ملزم کی گرفتاری کے لیے کارروائی جاری ہے۔