سرجانی ٹاؤن ٹریفک حادثے میں خاتون سمیت 2 افراد جاں بحق 2 زخمی
حادثہ لوڈنگ ٹرک کی رکشے اور موٹر سائیکل کو ٹکر کے باعث پیش آیا تھا
سرجانی ٹاؤن لیاری آفس کے قریب ٹریفک حادثے میں ایک خاتون سمیت 2 افراد جاں بحق ہوگئے جبکہ نوعمر لڑکے سمیت 2 افراد زخمی ہوگئے۔
متوفین کی لاشیں ایدھی کے رضا کاروں نے ضابطے کی کارروائی کے لیے عباسی شہید اسپتال پہنچائی ریسکیو حکام کے مطابق خاتون کی شناخت 75 سالہ رشیدہ بی بی جبکہ مرد کو 50 سالہ یونس کے نام سے شناخت کیا گیا جبکہ زخمی ہونے والے 12 سالہ وصی اور 17 سالہ رمضان کو طبی امداد فراہم کی جا ری ہے۔
پولیس کے مطابق حادثہ لوڈنگ ٹرک کی رکشے اور موٹر سائیکل کو ٹکر کے باعث پیش آیا تھا جبکہ متوفیہ خاتون اور زخمی 2 افراد رکشے میں جبکہ متوفی یونس موٹر سائیکل پر سوار تھا حادثے کا ذمہ دار ڈرائیور موقع سے فرار ہوگیا جسے پولیس تلاش کر رہی ہے۔