چیمپئینز ٹرافی پاکستان سے منتقلی کا کوئی منصوبہ نہیں

آئی سی سی چیف ایگزیکٹو نے تصدیقی مہر لگادی (فوٹو: ایکسپریس ویب)

---

انٹرنیشنل کرکٹ کونسل ( آئی سی سی) کے چیف ایگزیکٹو جیف ایلارڈائس نے تصدیق کی ہے چیمپئینز ٹرافی 2025 کی پاکستان منتقلی سے متعلق کوئی منصوبہ نہیں ہے۔

آئی سی سی کے چیف ایگزیکٹو جیف ایلارڈائس نے یقین دہانی کروائی ہے کہ کسی بھی ٹیم نے ٹورنامنٹ میں کھیلنے سے ہچکچاہٹ کا اظہار نہیں کیا، تمام ٹیمیں پاکستان میں کھیلنے کیلئے پُرعزم ہیں۔

انہوں نے کہا کہ آئی سی سی ایونٹس کے کامیاب انعقاد کیلئے پاکستان سمیت تمام رکن ممالک کے دورے کرتے ہیں۔

مزید پڑھیں: "بھارتی ٹیم نہ آئے توگرین شرٹس کوبھی نہیں بھیجیں"

خیال رہے کہ چیمپئنز ٹرافی کے انتظامات کا جائزہ لینے آئی سی سی کا پانچ سے 6 رکنی وفد آئندہ ہفتے پاکستان کا دورہ کرے گا تاکہ مجوزہ وینیوز کا معائنہ کرسکے۔

وفد ٹیموں کے پریکٹس میچز، ٹکٹنگ سمیت دوسرے اہم ایشوز پر وفد پی سی بی حکام سے ملاقاتیں کرے گا جس میں مختلف شعبوں کے سربراہان اور نمائندے شامل ہوں گے۔

مزید پڑھیں: 'چیمپئینز ٹرافی، جے شاہ کا بلامقابلہ منتخب ہونا! ڈیل لگتا ہے'

پاکستان میں شیڈول آئی سی سی چیمپئینز ٹرافی 2025 میں 8 ٹیمیں شریک ہوں گی جس میں بھارت، آسٹریلیا، نیوزی لینڈ، انگلینڈ، جنوبی افریقا، بنگلا دیش اور افغانستان شامل ہیں۔

پاکستان چیمپینز ٹرافی کا دفاعی چیمپئن ہے، سال 2017 میں گرین شرٹس نے ایونٹ کے فائنل میں بھارت کو شکست دیکر ٹائٹل اپنے نام کیا تھا۔