آئمہ بیگ کی فیشن برانڈ کے مالک کیساتھ ڈیٹنگ کی خبریں سرگرم

زین احمد فیشن برانڈ 'راستہ' کے مالک ہیں : فوٹو : ویب ڈیسک

---

پاکستانی میوزک انڈسٹری کی معروف گلوکارہ آئمہ بیگ اور فیشن برانڈ کے مالک زین احمد کے درمیان ڈیٹنگ کی خبریں گردش کرنے لگیں۔

گزشتہ کچھ عرصے سے آئمہ بیگ مختلف تنازعات کا شکار رہی ہیں، پہلے گلوکارہ اور اداکار شہباز شگری کی منگنی ٹوٹ گئی تھی جس کی وجہ سے اُنہیں کڑی تنقید کا سامنا کرنا پڑا تھا۔

شہباز شگری سے منگنی ٹوٹنے کے بعد آئمہ بیگ اور معروف گلوکار ساحر علی بگا کے درمیان لفظی تکرار رہی، اس کے علاوہ گلوکارہ کو اکثر اُن کے بولڈ لباس کی وجہ سے بھی تنقید کا نشانہ بنایا جاتا ہے۔

اب آئمہ بیگ ایک بار پھر سوشل میڈیا اور خبروں کی زینت بن گئی ہیں، گلوکارہ کی حالیہ تصاویر دیکھ کر مداح تجسس کا شکار ہوگئے ہیں۔

مزید پڑھیں: شہباز شگری سے منگنی توڑنا میرا فیصلہ تھا، آئمہ بیگ

حال ہی میں آئمہ بیگ نے اپنے آفیشل انسٹاگرام ہینڈل کی اسٹوریز میں فیشن برانڈ 'راستہ' کے مالک زین احمد کے ہمراہ اپنی چند تصاویر شیئر کی تھیں جس کے بعد سے دونوں کی ڈیٹنگ کی خبریں سوشل میڈیا پر گردش کررہی ہیں۔

آئمہ بیگ اور زین احمد کو کئی مقامات پر ایک ساتھ بھی دیکھا گیا ہے جبکہ گلوکارہ نے زین احمد کی پوسٹس پر محبت بھرے کمنٹس بھی کیے جس کے بعد مداحوں کی جانب سے اندازہ لگایا جارہا ہے کہ یہ دونوں ایک دوسرے کو ڈیٹ کررہے ہیں۔

دوسری جانب آئمہ بیگ اور زین احمد نے اس حوالے سے کسی بھی خبر کی کوئی تصدیق یا تردید نہیں کی ہے۔

View this post on Instagram

A post shared by Galaxy Lollywood (@galaxylollywood)

واضح رہے کہ ماضی میں آئمہ بیگ نے شہباز شگری سے منگنی کی تھی، دونوں کے درمیان فلم 'پرے ہٹ لو' کی شوٹنگ کے دوران تعلقات استوار ہوئے تھے اور دونوں نے کچھ عرصے ڈیٹ کرنے کے بعد منگنی کرلی تھی۔

ستمبر 2022 میں آئمہ بیگ نے اداکار شہباز شگری سے اپنی منگنی ٹوٹنے کا اعلان کیا تھا۔