مجھے تھکا ہوا نظام تعلیم ملا ہے صوبائی وزیر

بلوچستان کی وزیرتعلیم راحیلہ درانی نے کہا ہے کہ مجھے تھکا ہوا نظام تعلیم ملا ہے جس کو سیاست سے پاک کرنا ضروری ہے۔

ان خیالات کا اظہار بلوچستان میں تعلیم کی صورتحال بہتر کرنے کے لئے ماہرین تعلیم کے زیر اہتمام تقریب کے انعقاد سے گفتگو کرتے ہوئے کیا۔ رحلیہ درانی نے کہا کہ گزشتہ 77 سالوں میں صرف تعلیمی نظام کے نقائص پر بحث ہوئی مگر کوئی اقدامات نہیں کیے گئے۔


انہوں نے کہا کہ اقدامات نہ ہونے کی وجہ سے تعلیمی نظام بہت زیادہ بیٹھ چکا ہے، تعلیمی نظام کو سیاست سے پاک کرنا ہوگا ، تعلیم کی جامع پالیسی نہیں ،تبادلے اور تقرریوں کے علاوہ کوئی اور کام نہیں رہا۔

اُن کا کہنا تھا کہ ایس بی کے بھرتیاں سو فیصد میرٹ پر کرینگے ،وزیر اعظم پاکستان نے تعلیمی ایمرجنسی کا نفاذ کردیا ہے۔