کراچی میں فینسی نمبر پلیٹ اور سیاہ شیشے والی گاڑیوں کے خلاف کارروائی کا حکم

پولیس چیف نے شہر میں اسلحے کی نمائش ، فینسی نمبر پلیٹس اور رنگین شیشوں والی گاڑیوں کے خلاف کریک ڈاؤن کی ہدایت جاری کر دیں۔


کراچی پولیس چیف جاوید عالم اوڈھو کی جانب سے جاری حکم نامے میں شہر کے تینوں زون ساؤتھ ، ویسٹ اور ایسٹ زونز کے ڈی آئی جیز اور ڈی آئی جی ٹریفک کو ہدایت جاری کرتے ہوئےکہا گیا کہ شہر میں اسلحے کی نمائش کرنے، رنگین شیشے اور فینسی نمبر پلیٹ والی گاڑیاں چلانے والوں کے خلاف بلاتفریق قانونی کارروائی عمل میں لائی جائے۔

کراچی پولیس چیف کا کہنا تھا کہ ہدایت پر سختی سے عملدرآمد کو یقینی بنایا جائے اور اس حوالے سے کی جانے والی کارروائیوں کی رپورٹ بھی پیش کی جائے۔