سابق مشیر خصوصی مشال یوسفزئی کو دوبارہ کابینہ میں شامل کرنے کا فیصلہ، گورنر کو سمری ارسال کردی گئی۔

ایکسپریس نیوز کے مطابق وزیراعلیٰ خیبرپختونخوا علی امین گنڈاپور نے سابق مشیر مشال یوسفزئی کو دوبارہ کابینہ میں شامل کرنے کا فیصلہ کیا ہے اور ان کی دوبارہ شمولیت کے لیے سمری گورنر کو ارسال کردی گئی ہے، ذرائع کے مطابق سمری گورنر ہائوس کو موصول بھی ہوگئی ہے۔

واضح رہے کہ مشال یوسفزئی کو چند روز قبل وزیراعلیٰ کے مشیر کے عہدے سے ہٹادیا گیا تھا، تاہم بانی چیئرمین پی ٹی آئی عمران خان کی ہدایت پر دوبارہ کابینہ میں شامل کیا جارہا ہے۔