- میانوالی میں سی ٹی ڈی کی بڑی کارروائی، فتنہ الخوارج کے 7 دہشت گرد ہلاک
- لاہور؛ ساندہ میں نائٹ ایڈیشن کیلیے تیار پتنگوں کی سپلائی ناکام، ملزم گرفتار
- نیپال میں ہونے والی ساف ویمنز چیمپئن شپ کے لیے حتمی اسکواڈ کا اعلان کر دیا گیا
- اسپتالوں کے ویسٹ سے برتنوں کی تیاری، بیماریاں پھیلنے لگیں
- کسانوں کا گندم نہ خریدنے کی پالیسی پر اعتماد میں لینے کا مطالبہ
- محکمہ ریلوے کو ملازمین کے مسائل حل کرنے کے لیے پانچ دن کا الٹی میٹم
- جناح ٹرمینل کی عمارت و اثاثے محفوظ، فلائٹ شیڈول معمول کے مطابق جاری
- ایران کی قدس فورس کے سربراہ بیروت حملے کے بعد رابطے میں نہیں ہیں، رپورٹ میں دعویٰ
- پاکستانی امریکا سے متاثر ہیں لیکن پاکستان امریکا سے ہزار درجے بہتر ہے، ڈاکٹر ذاکر نائیک
- عمر کوٹ میں تین بچوں کو قتل کرنے کے بعد والد کی خودکشی، وزیراعلیٰ کا اظہار افسوس
- غزہ میں بربریت پرعالمی قوتوں کی خاموشی اتنی ہی قابل مذمت ہے جتنے اسرائیلی مظالم، وزیراعظم
- پہلا ٹی 20: بھارت نے بنگلادیش کو سات وکٹوں سے شکست دے دی
- آئی سی وی ایم مشن رپورٹ میں بڑی کامیابی ملی ہے، پاکستان سول ایوی ایشن اتھارٹی
- کراچی؛ جناح انٹرنیشنل ایئرپورٹ کے قریب دھماکا، 2 افراد جاں بحق، 10 زخمی
- اداروں پرالزام لگانے والے پی ٹی آئی عہدیداروں، تجزیہ نگاروں کا منہ قوم کے سامنے کالا ہوا، فیصل واوڈا
- ایران نے اچانک اپنے تمام ایئرپورٹس پر پروازیں منسوخ کردیں
- گنڈاپور غیرذمہ دار شخص ہے، بتانا ہوگا یہ ڈراما کیوں رچایا، وفاقی وزیراطلاعات
- ویمنز ٹی 20 ورلڈ کپ: ویسٹ انڈیز کی اسکاٹ لینڈ کو 6 وکٹوں سے شکست
- پولیس نے چھاپہ مارا تو تب گنڈا پور نکل گئے تھے، وزیرداخلہ
- 24 گھنٹوں سے غائب وزیراعلیٰ علی امین اچانک خیبرپختونخوا اسمبلی پہنچ گئے
حکومت پنجاب کا اقلیتوں کے لیے ’’ مینارٹی کارڈ ‘‘ شروع کرنے کا فیصلہ
لاہور: پنجاب حکومت نے ہمت کارڈ اور کسان کارڈ کی طرز پر صوبے میں بسنے والی اقلیتوں کے لیے “مینارٹی کارڈ” شروع کرنے کا فیصلہ کیا ہے۔ اس منصوبے کے تحت اقلیتوں کو سماجی و اقتصادی تحفظ فراہم کیا جائے گا۔
محکمہ انسانی حقوق پنجاب کے حکام کے مطابق’’ مینارٹی کارڈ‘‘ کا آغاز کرنے سے پہلے تمام متعلقہ محکموں کی رائے لی جائے گی تاکہ اس منصوبے کے ہر پہلو کا باریک بینی سے جائزہ لیا جا سکے۔
سیکرٹری انسانی حقوق رائے علی بہادر نے بتایا کہ اس پروگرام کو دو مراحل میں نافذ کرنے کا منصوبہ بنایا گیا ہے۔ پہلے مرحلے میں صوبے کے ٹاپ 10 اضلاع کا ڈیٹا اکٹھا کیا جائے گا۔
اس حوالے سے لاہور میں مشاورتی اجلاس بھی منعقد ہوا جس میں صوبائی وزیر اقلیتی امور سردار رمیش سنگھ سمیت پنجاب انفارمیشن ٹیکنالوجی بورڈ، بے نظیر انکم سپورٹ پروگرام، نادرا پنجاب کے ڈائریکٹر جنرل، پلاننگ اینڈ ڈویلپمنٹ ڈیپارٹمنٹ کے سینئر چیف، پاکستان غربت مٹاؤ پروگرام کے چیف ایگزیکٹو آفیسر اور دیگر متعلقہ افسران شریک ہوئے۔
اجلاس میں اقلیتوں کی سماجی اور معاشی حالت بہتر بنانے کے لیے تفصیلی تبادلہ خیال ہوا، اور اس منصوبے کی کامیاب عملدرآمد کے لیے مختلف تجاویز پیش کی گئیں۔
شرکاء نے پروگرام میں بیوہ، غریب، معذور اور بے روزگار افراد کی شمولیت کو یقینی بنانے پر زور دیا اور تجویز دی کہ پی ایم ٹی اسکور کو 40 مقرر کیا جائے تاکہ زیادہ سے زیادہ افراد اس سے مستفید ہو سکیں۔
صوبائی وزیر نے امید ظاہر کی کہ یہ پروگرام اقلیتوں کے لیے معاشی مواقع میں بہتری اور ان کی فلاح و بہبود کو یقینی بنانے کے لیے ایک اہم قدم ثابت ہوگا۔
انہوں نے تمام اسٹیک ہولڈرز سے درخواست کی کہ وہ اپنی تجاویز سیکرٹری انسانی حقوق کو پیش کریں تاکہ انہیں ایک جامع ڈرافٹ کی شکل میں ترتیب دیا جا سکے۔
ایکسپریس میڈیا گروپ اور اس کی پالیسی کا کمنٹس سے متفق ہونا ضروری نہیں۔